كل يوم جمعه الساعه 3بيجى برنامج جميل اوى بحب اسمعه
على قنات دريم 2 اسمه الموعظه الحسنه
هوا برنامج فتاوى للشيخ مبروك عطيه
المهم كان فى سؤال على الوقفات والاحتجاجات لنصرة المسجد الاقصى
فقال جمله جميله اوى عجبتنى
قال
بدل مل تجيبوا قماش تعملوا بيه علم وتحرقوه دوروا على فقير عريان واكسوه
وكان رأيه كمان بدل ما نعمل مظاهرات واحتجاجات كفايه ان كل مسلم يطلع من جيبه حنيه
كا اسبوع ويتبرع بيه لنصرة القدس والعراق ودارفور وكل الدول المسلمه المحتله
شوفوا بقى احنا كام مليار مسلم وهنلم كام مليار جنيه
وهنقدر بالفلوس دى نحرر ارضينا ولا لاء
والله صدقت يادكتور مبروك
دا احنا مفيش ورانا غير الهتافات والشعارات
هناك 19 تعليقًا:
مممممم
يعنى اول زيارة فى اول تعليق
مممممممممم
كويس قووى حظى كويس
تعرف بجد والله كلمة فى الجون ودا احسن واسلم رأى اتقال والله
بس هو مين اللى ينفذ ويعمل
عامة ربنا معاهم ويفك كربهم وبجد انا مافيش فى ايدى غير الدعاء والتذكير وربنا قادر على كل شىء
متشكرة لمرورك الكريم
ويبقا التواصل
مودتى
ايناس
معاكى فى ان عنده حق والجمله صح
بس هو احنا بنعمل مظاهرات امتا
ده كل مايموت مليون واحد مره على ماحد بيتحرك
ام سلمى كيفك يا قمر انتى يا غالية
يارب تكوني بخييير
اولا الشخ مبروك دة عسل بجد مبسط اوى للدين
و فعلا كلامه حق و صح الصح فعلا
دمتى بصحة و عافية ان شاء الله
عاشقة الاحزان
متشكره جدا على زيارتك
ويارب متتقطعش
مى
ما احنا قلنا ملهاش لزمه المظاهرات
المهم الفعل الايجابى
ميرو
اذيك
منورلى المدونه دايما
كويس انك طلعت بتحب الشيخ مبروك
ابقى اسمع البرنامج بقى كل جمعه
بيجيب حاجات مفيده
السلام عليكم ورحمة الله وبركاته
وبدحرج التماسي علي أحلي مدونين
بصراحة أنا مش متفق معاكم خالص
لأن المظاهرات دي بتعبر عن نبض الشارع
وفيها مساندة معنوية للشعب الفلسطيني
دعوة للغافل عن القضية للأهتمام
وبعد كده بدل ما يقولويتكلم علي قماش المظاهرات اللي مايكملش 10جنيه
يتكلم عن الملايين اللي بتتسرق
وحفلات الممثلين الي بيتصرف فيه قد كده
ولا حفلات استقبال الريس والمسئولين
شرفت بزيارتكم
صلي علي النبي
شوفتى اشطه انا مع عاشق الجنة من الإخوان
محنا مش عارفين نعمل ايجابى ولا سلبى
انا لسة و اللهي يا ام سلمى
ادعيلي
اه لو نبطل كلام ويبق فيه افعال ... هو ده الحل ... على فكرة مدونتك جميله... شكرآ على تعليقاتك ...
عاشق الجنه
ياما الناس عملت مظاهرات وياما عملت اعتصامات خدنا ايه ومين سمعلنا
وبعدين المفروض كل واحد يبدأ بنفسه مش نعد نقول حفلات الممثلين واموال البلد المنهوبه ولا الحراميه الكبار
وبعدين انت مستئلى باالعشره جنيه بتاعة العلم اللى بيتحرق
شوف كل عشره جنيه من كل مظاهره من كل بلد فى كل دوله هتجمع كام
دا فى اطفال فى غزه مش لاقيه اللبن اللى تشربه ولا لتر الجاز اللى بيولعوا بيه اللمبه
وكمان فى ناس تطبق نظام المظاهرات دى بشكل خاطىء
وبيكون فيها تكسير وتخريب والشرطه بتدخل وبيكون فيها اعتقالات
قولى بقى استفادنا ايه من كل ده ولا استفاد ايه الاقصى
الاقصى عايز فعل مش كلام
بس للاسف المسلمين عايزه قدوه كويسه تعمل حاجه بجد والناس تمشى واراه
المسلمين عايزه قائد او زعيم بمعنى الكلامه او اقله كل واحد يبدأ بنفسه
مى
ابدئى بنفسك ومتقليش احنا
قولى انا
عمرو
ربنا يفك كربك ويبعد عنك الحزن
متنساش ان بعد العسر يسر
الاسير
شكرا على زيارتك ليا وعلى اطرائك الجميل
ويارب الزياره تتكرر
ابتسامة حزن
أولا أنا سعدت جدا جدا بزيارتك الغاليه جدا لمدونتى
ثانيا بقى أنا لفيت شويه كده فى مدونتك وقرأت بعض المواضيع القديمه والحديثه
وبسم الله ما شاء الله المدونه حسيت فيها بروح الحياه الحلوه الطيبه المسلمه الخالصه
عجبنى جدا أسلوبك فى الحوار
وطبعا بالنسبه للبوست ده فأنا طبعا مع رأى الشيخ مبروك جدا وفعلا عنده حق
وياريت الناس تنفذ
سعدت جدا بوجودى فى مدونتك
دمتى بكل الخير
السلام عليكم ورحمه الله وبركاته
بصراحه اول مره ليا فى المدونه بس حسيت انها جميله قوى والبوست جميل قوى بردو وفعلا فكرتو كويسه قوى وياريت الكل يعمل كده ويارب الكل يقرب من ربنا سبحانه وتعالى
ياريت تقبلى مرورى
تحياتى
الشاعر الحزين
نورت مدونتى المتواضعه اللى متجيش جمب
بتاعت اى شىء
حياه بلا عنوان
ميرسى لكلامك ومرور الجميل
إرسال تعليق