2010/08/10

رمضان كريم


اهو جه ياولاه
كل سنه وانتو طيببين
رمضان كريم عليكو
اللهم اجعلنا اول من يدرك دعوة مستجابه فى رمضان
اللهم اجعلنا اول المقبولين
اللهم ادخل رمضان علينا بالرحمات
اللهم ادخل رمضان على قلوبنا بالسرور والطاعه
: يا فارج الهمّ ، ويا كاشف الغمّ
حاجات ممكن تفيدكم


2010/07/31

عيد جوازى


بالصدفه ببص فى النتيجه النهارده بشوف النهارده ايه فى ايام ربنا لقيت 31/7

استغربت اوى

اقولكم بقى استغربت ليه

لان المفروض ان عيد جوازى الرابع كان امبارح

المفروض حتى انى كنت افتكر المناسبه دى انا وجوزى

ونسترجع زكرياتنا ف اليوم ده

غمضت عينى لمدة خمس دقايق وانا بنيم بنتى ع السرير

وافتكرت يوم فرحى

اد ايه كنت فرحانه وقلقانه ومرتبكه

كل قريبنا كانوا عندنا ف البيت

والمفروض كنت هروح الكوفير العصر

بس رغده صحبتى اصرت انى اروح الجم واعمل حمام بخار

وبعدين روحت تانى البيت على الساعه 2 كده خدت شور واتغديت

وحضرت فستانى وطرحتى واستعديت انى انزل اروح الكوفير

وطبعا كان اخواتى واصحابى معايا كنت متضايقه اوى

انى هسيب ماما واخواتى وهتنقل بيت جديد

كنت ببص لكل شبر ف البيت اكنى معتش هدخل البيت دا تانى

مسكت نفسى عشان معيطش ورسمت ابتسامه على وشى

عشان معملش زى عرايس كتير بتيجى خارجه من بيت اهلها

يوم فرحها تعد تعيط واللى حوليها يعيطوا

بصيت لمامتى وهيا وقفالى على باب شقتنا تودعنى

لقيت على نفسها نفس الابتسامه ابتسامه على وشها بس

وعنيها مليانه دموع كنت حاسه باللى ف قلبها

وعارفه انها ماسكه نفسها بالعافيه وكأن حاجه منها بتقتلع منها

المهم حاولت انى اطلع من المود ده

والى حد ما كنت عروسه مقبوله يعنى مش وحشه(تمشى)

كنت فرحانه بالحياه الجديده اللى انا هعيشها

وطبعا كنت موعوده بوعود جميله تلات اربعها متحققش

بيبقى اسمه كلام خطوبه واول ميتقفل على الزوج والزوجه

باب واحد الوعود بتروح مع المعزيم

وف اخر الكلام بهدى الاغنيه دى لكل البنات

متفكروش يابنات ان الجواز راحه

ومتزعلوش يابنات ان قلنا بصراحه

ان الجواز الجواز عمره ماكان راحه


انا ايه خلانى اساسا ابص ف النيجه

ماهى ايام وبنعشها

2010/07/11

الدنيا ضاقت بيا

لما بحس انى مخنوقه والدنيا ضاقت بيا
ويكون فى حاجات بتمناها ومش قادره اوصلها
وان الحياه بالنسبالى سجن
بفتكر الحديث اللى بيقول
الجنة سجن المؤمن وجنة الكافر
بصبر نفسى بيه لعلى اكون من المؤمنين

2010/06/27

كلمات بتعبر عنى


كن منصفا يا سيدي القاضي..


تخونني لغتي والفاظي


ان الذي امامك الان..


اشبعني ظلما وحرمانا..


انا حالة فعلة لها يرثى


حتى ناسيت بانني انثى

..دمرتني انت


..اهملتني انت
انت

.. انت عذابي

انت
..انت همومي
من اغنية المحمة لكاظم الساهر

2010/06/15

لــــــــين


قالولى مين الحلوه دى مين
قلت دى بنوتى لين
احلى من كل الحلوين
واطعم من كل الطعمين
رب يحميها م الحاسدين
واشوفها دايما م الناجحين
×××××××××××××××××××
طبعا انا غايبه من زمان عن مدونتى العزيزه
عشان كنت بستقبل
الكتكوته لين
طبعا بقالى 5 شهور مش عارفه اعد على الكمبيوتر خالص
انتو عارفين اول 6شهور فى حياة الطفل بتكون عامله ازاى
بس كنت بفتح نت من الموبيل وبتابع كل مدونات اصحابى
يلا بقى استقبلو الست لين
هاااااا دنيا
بقيت ام البنات

2010/01/08

حمار ببردعه ولجام


ناس كتير عايشه فى الدنيا ببردعه ولجام

ايون زى الحمير كده

مهما الحمار يرفس ويعترض برضه لابس البردعه واللجام

مهما كانت الحموله تقيله عليه ومهما كان المشوار طويل عليه

مش هيقدر يعترض لانه متلجم

وان جه فى يوم وقعد يرفس فى الارض او وقف ف مكانه ومرداش ينفز

طبعا مش هيتقال عليه الا انه حمار قليل الادب

وخرج عن طوع صحبه

وعجبى بقى على العالم اللى مفيش ف قلوبها رحمه