2010/06/15

لــــــــين


قالولى مين الحلوه دى مين
قلت دى بنوتى لين
احلى من كل الحلوين
واطعم من كل الطعمين
رب يحميها م الحاسدين
واشوفها دايما م الناجحين
×××××××××××××××××××
طبعا انا غايبه من زمان عن مدونتى العزيزه
عشان كنت بستقبل
الكتكوته لين
طبعا بقالى 5 شهور مش عارفه اعد على الكمبيوتر خالص
انتو عارفين اول 6شهور فى حياة الطفل بتكون عامله ازاى
بس كنت بفتح نت من الموبيل وبتابع كل مدونات اصحابى
يلا بقى استقبلو الست لين
هاااااا دنيا
بقيت ام البنات

هناك 8 تعليقات:

blue-wave يقول...

الف مليون حمد الله على سلامتك وسلامتها
وربنا يخليهالك

الشاعر الحزين يقول...

مليوووووووووووووون مبروك

وحمدا لله على السلامه

ويارب يخليهالك ويباركلك فيها ويجعلها من المعمرين والمصلحين فى الأرض

اللهم آمين آمين آمين يارب العالمين

الشاعر الحزين يقول...

آه نسيت أقولك

غيرى بقى ابتسامة حزن

وخليها ابتسامة لين

على فكره الاسم جميل قوى هو أى نعم يابانى شويه لكن بجد جميل يسلم اللى اختاره

دمتى بكل الخير

♥♥ شذا ♥ الروح ♥♥ يقول...

حمدالله على سلامتك
ومبروك البنوته تتربى فى عزك يارب
البنت دايمآ حبيبة أمها

ربنا يبارك فيها يارب من شر الحسدين
وتكون حاجه جميله يارب اللهم امين
نورتى مدونتك

ابتسامة حزن يقول...

blue-wave
الله يسلمك دايما من اى مكروه
******************************
الشاعر الحزين
ربنا يخليك يارب وشكرا على دعائك الجميل
بس اوعى يكون اسم ابتسامة حزن مش عاجبك
على فكره اللى اختار اسم لين اختها سلمى عندها 3 سنين وطول النهار قاعده تتفرج على قناة طيور الجنه بتاعت الاطفال وكانت مصره تسمى اختها لين
****************************
شذا الروح

ميرسى على كلامك الجميل دهوشكرا على مرورك

فاروق بن النيل يقول...

إبتسامة أمل وتفاؤل وشوخ وعزة.......
حمد الله على السلامة لا أجد تعليقا سوى لاتنظرى للخلف وأنظرى أمامك دائما
بالموضوع السابق رجاء حزف التعليق الأول االبذيئ فهو مسيئ جدا وأرجوكى إجعلى إشرافك على التعليق " دائما " حتى تختارى من يليق ومن لايليق شكرا لك

dandana يقول...

ألأسم دا دااااااااااااخل دماغى جدا

حلو اوى اوى

واكيد صاحبته احلى

ربنا يخليهالك ويفرحك بيها

والنبى النات دول شرباتات
:))

ابتسامة حزن يقول...

دندونه

نورتينى

طب كويس ان الاسم عجبك اصل فى ناس معجبهاش الاسم

بيقوله ملوش معنى

لين يعنى ليونه عكس شده

بالزمه دا وحش