2009/10/15

نصيحه حريمى


نصـيــحــه حريــــمــــى
ادحبيله القطه من اول ليله وخوفيه
واوعاكى فى يوم من الايام تدلعيه
ان اخدتيه على الدلع مش هتعرفى تشكميه
ان فى يوم علا صوته عليكى طلعى لسانه واقطعيه
وان عنيه زاغت كده ولا كده حطى صوابعك فيهم واعوريه
خليه دايما يحس انه غلطان وبكلامك ثبتيه
وخليه يحافظ على فلوسه واول بأول تقلبيه
وان قعدلك يوم فى البيت طفيشيه
أطلبى منه ميت طلب عشان يطحن نفسه فى شغله وتلبخيه
وعيزاكى تصحصحى ياختى وبكتر العيال تغلبيه
وان فى يوم قالك اسهر مع اصحابى اوعى توافقى وم الموضوع ده توبيه
وان اعترض على اى حاجه م اللى قلتهالك دى اديله بالسنجه فى وشه وعوريه
واوعى تتخضى من منظر الدم خلى قلبك جامد وخديه على اقرب مستشفى وخيطيه
وان طلعتى بقى بت رقيقه ومعرفتيش تطبقى الحاجات دى عليه كبرى دماغك واخلعيه
خديها منى نصيحه دول قالوا فى الامثال ابنك على ما تربيه وجوزك على ما تعوديه
&
&
&
&
&
&
&
&
طبعا كل اللى كتبته ده اتكتب فى حالة تهيس
المفروض الحياه الزوجيه بتكون مبنيه على الموده والرحمه
والتسامح بين الطرفين
بس قليل جدا اللى بيطبق المفروض ده
ربنا يسعد كل زوجين يارب ويحببهم فى بعض
ويألف بين قلوبهم

هناك 10 تعليقات:

3mr wa2el يقول...

ههههههههههههههه


جامدة دي يا ام الغالية مرات الواد حلنبوحة ابني الى لسة مخلفتوش هههههههههههههههههههههههههههههههههه

بس اوعى بنتك تعمل كدة ف ابني عشان هيبهدلها هو و يدبحلها الفرخة ههههههههههههههههههههههههههههههه

دمها زى العسل تسلم ايدك بجد

حياه بلا عنوان يقول...

السلام عليكم
جمد البوست قوى هههههههههههه
اوعى بس يكون باب السماء مفتوح تبقا مصيبه هههههههههه
ياريت تقبلى مرورى
تحياتى

MOHAMMED ELBANNA يقول...

اية دة
دي مش نصيحة دي مشكلة
ربنا يستر علينا من كل الفتيات اللي هتقرا كلامك .
عالعموم مدونتك جميلة وموضوعك جميل وخصوصاً آخر جزء اللي بتوضحي فية ان كلامك دة مش بجد وبهزار .
تقبلي تحياتي ومروري
محمد البنا
طريق النجاح

عاشقة الأحزان يقول...

هههههههه

فلة قوووووووووووى

ههههههههههههه
ربنا يستر علينا يارب ويكرمنا خير
شكلنا كده خلاص معتش فية امل
الشباب هتاخد فكرة هباب عنا
بس بجد بوست تحفه

ههههههههههههههههه
مودتى

عاشقة الأحزان يقول...

ربنا يديم السعاده يارب بين كلنا اتنين متجوزين
ويكرمهم خير
وربنا يستر بنات المسلمين
ربنا يكرمك دنيا واخرة
مودتى

الشاعر الحزين يقول...

طبعا البوست دمه خفيف جدا

لكن أهم شئ فى البوست كله الجزئيه التوضيحيه الأخيره

لأن لو لم تكن موجوده لحدثت الفتنه

دمتى أختى بكل الخير

***.سماء.*** يقول...

ههههههه

حلوة اوى

نصايح مية مية

حـــلـــم كــــان يقول...

ايه الافترى اللى انت فيه ده
جزاره
سنجه ودم ايه ده
بس انتى عارفه هما يستهلو اكتر من كده

الحــ ــزين يقول...

الحــ ــزين
هههههههههههههههههههههه
ياساتر يارب ليه بس خوفتينى من البنات كلهم
لا اله الا الله
هو اللى بيخلص
دومتى بكل خير

ابتسامة حزن يقول...

عمرو
والله لو خايف على ابنك اللى لسه مخلفتوش ارجع فى الجوازه انت الخسران
كل الرقه الللى انا كتباها فى البوست دى وخايف دا قصدى خير وبنصح اومال لو بقوم البنات على الرجاله بقى كنت قلت ايه






حياه بلا عنوان
مرورك اسعدنى
ميرسى ليكى



محمد البنا

متخافش انا بهزر طبعا
ميرسى لزيارتك





عاشقه الاحزان
يابنتى انا بوعيكى لو مكنتيش هتعملى كده هيكلوكى

وميرسى ليكى على الدعوه الجميله






الشاعر الحزين

متخافش اكيد كل الكلام دا هزار
مين يقدر يعمل الكلام ده سواء راجل او ست اومال فين بقى الموده والرحمه






سماء
هههههههههه النصايح عجبتك
اى خدعه
طبقيها بقى وقوليلى النتيجه



حلم كان

لما انتى معايا انهم يستاهلوا بتتكلمى ليه
روحى يابت الحقيلك شاطور سنيه




الحزين
ههههههههههههه
لاء متخافش اجمد كده
دا ده اقل واجب عندنا