2009/11/23

الفراق جرح لحظه والخيانه جرح عمر


اناجايه اقولكم قصه حصلت لواحده صحبتى
بعد 7 سنين حب
لقته بيقولها
انا مش عايز اظلمك معايا
ومش عايزك تستنينى كتير وشوفى انتى حياتك مع حد يسعدك اكتر منى
انا مسافر
و مش عايزك تستنينى كتير
بس قالت ازاى اتخلى عن حبى وعن كل السنين اللى فاتت دى
وعملت نفسها البت المخلصه اللى هتفضل محافظه على العهد القديم
ولا يمكن تقدر تتخلى عنه عشان ظروفه مش كويسه وانه مش قادر يجى يخطبها
والاخ سافر عشان يصلح مستواه والغلبانه مستنيه البيه وقاعده تطفش فى العرسان
على ما البيه يرجعلها بالدبل
وبعد فتره عن طريق الصدفه اكتشفت انه قالها الكلمتين دول عشان يخلع منها
وانه مأنتخ مع واحده تانيه
ومكلم باباها ومتفقين على الخطوبه
يعنى لا كان فى ظروف ولا جوبات
وكل الكلام والاحلام والوعود اللى كان قايلهالها ومتفقين عليها مع بعض
لقيتهم بيتقالوا على لسان حبيبته
كان عايز يطلع نفسه الملاك البرىء اللى
خايف انه يظلمها معاه مش كان يبقى احسن لو صارحها وقالها ان مفيش توافق
او مش هيقدر يكمل معاها
اهوا كان ممكن تفتكرله فى يوم من الايام اى شىء كويس
بدل ما يسيب مكانه جرج
مكنش بايدى غير انى اقولها اعتبريه كلب ومات
دموعك اللى نازله دى خساره فيه
مع انى عارفه صعوبه اللى هيا فيه
وعارفه كمان ان اكيد الدموع دى مش عليه دى على سنينها
اللى ضاعت على الفاضى
على اخلصها وهبلها
وافتكرت اغنيه
جميله لاانغام بتتقول
لو نصارح بعض فى بداية لؤانا
لو فى يوم ملينا او ضعنا فى هوانا
نبتسم نبعد وننسى كل شىء
دا الفراق اهون كتير اوى من الخيانه
كل واحد يمشى حر ليه نعيش فى عذاب ومر
دا الفراق جرح لحظه والخيانه جرح عمر

هناك 12 تعليقًا:

حـــلـــم كـــان يقول...

اول تعليق
هقرا واجى
من العنوان شكله بوست طحن

حـــلـــم كـــان يقول...

وانتى كنتى عايزه تقولها غير ان كلب وراح ايه يابتسامه
دى الواجب اللى لازام يتعمل معاه
ماكان يقولها
خايف على شعورها اوى الاخ
والله حاسس

حياه بلا عنوان يقول...

السلام عليكم ورحمه الله وبركاته
بجد يمكن الواحد بيحس بغيرو وانا حسه بيها اصل 5سنين صعب بعد كده يقول باى كده بسهوله هو اذا كان عليه فعادى جدا بسهوله يبيع كل حاجه فى ثانيه بس هى اكيد طبعا صعبان عليها العشره والعمر هو زى ماانتى ذكرتى انو كلب واكيد ربنا مش رايد انها تتخضع اكتر من كده كويس قوى ان ربنا عمل ده علشان تفوق انا عارفه ان الصدمه صعبه هتسيب جرح جوها بس ده كان لازم يحصل علشان الانسان لازم يفوق ولازم يكون قوى عند كل مشكله ويقدر يتعدها وان شاءالله ربنا هيكرمها بالشخص اللى يقدرها ويخاف عليها ويعوضها عن اللى حصل بأذن الله ربنا معها يارب
تحياتى

♥نبع الغرام♥♪≈ يقول...

وجعتنى قووووووووى
وحسيت بكل كلمة
حسبى الله ونعمة الوكيل فى كل شاب يظلم اى بنت معاه

مش عارفه هى مشاعر البنات وقلوبها بقت لعبة فى ايد الشباب ولا اية
ربنا منتقم جبار
وانا من هنا اقولك انت ولا حااااااااااااااجه

تحياتى
ايناس

الشاعر الحزين يقول...

أولا أنا بعتذر جدا جدا على تقصيرى فى الفتره اللى فاتت لكن والله كان غصب عنى جدا

أتمنى بجد تسامحينى على تقصيرى

ثانيا

بالنسبه للموضوع ده

أنا عايز أحملك رساله تبلغيها لصاحبتك

قوليلها علاء بيقولك أنتى ربنا بيحبك

عشان خلصك من الكلب ده لأن الخاين صعب يتغير ولو كانت ارتبطت بيه كانت اتعذبت كتير قوى

عشان كده ربنا خلصها منه بالرغم من الجرح أنا عارف انه صعب لكن هى المفروض ترفع راسها فوق وتقول الحمد لله وتفرح قوى ان ربنا نجاها من حفره كانت هتقع فيها

وتدعى ربنا واحنا معاها بندعى ربنا يعوضها باللى يعرف قيمتها ويحافظ عليها

قوليها علاء بيقولك أوعى تزعلى على شئ ميتزعلش عليه

ارفعى راسك وقولى الحمد لله

دمتى بكل الخير

حـــــروف متــبعترة " عــمرو الشــايب يقول...

اية الكلام دة يا حامة الواد

كلام عب بجد

وبتحل بس مش بالندالة دي

زايدة اوى المرة دى

اله عليكي يا مصر كل يوم اولادك بتزيد ندالة

7 سنين مقضيها مع البت و مفيش اى نتيجة اهو راح شاف غيرها و اترمي بين ايديها قالها بجبك وحست بيه اتريها غلابانة و متعرفش فية اية

التانية اهى مجروحة و قلبها مشروخلا دمعة ولا كلمة تداوى الجروح .... مهما قولنا ولا عدنا هو القلب مش هيشفى .... لان القلب الى ضحى 7 سنين من عمرة حب بجد و عشان حب بجد صعب يكره .... لازم يا قلب تقسى عشان تعرف تنسى ..... متفكرش ف ندل باعك و لازم يطرد من قلبك .... لازم تقس يا قلب علي الى باعك .... دة الى باعك بيعة ف اول فرصة صدقني مش هتلوم غير نفسك

دة الى اقدر اقولة تصفيق حااااااااد ههههههههههه

ابتسامة حزن يقول...

الأحــــــ إيناس ـــــزان

هحسبن معاكى على كل ولد يظلم بنت وكمان كل بنت تظلم ولد

الظلم وحش وكسرت القلب اوحش وافظع

ابتسامة حزن يقول...

الشاعر الحزين

والله ياعلاء هوا ده الكلام اللى انا قلتوهولها بالحرف
وهيا بنفسها بدأت تشوف عيوبه بعد ما فاقت من الوهم اللى كانت فيه

ابتسامة حزن يقول...

عمرو وائل

لاء بجد انا هصقفلك بجد ايه الكلام الجامد ده

ابتسامة حزن يقول...

حلم كان
لا هوا مش حساس هوا ممكن يكون مكسوف من نفسه

ابتسامة حزن يقول...

___________________________________

حياه بلا عنوان
اكيد الموضوع ده هيسيب جرح كبير ف قلبها بس هيا بايدها ايه تعمله

جــــ القمر ــــارة يقول...

جامد يامروة
لو كل واحد عمل جدا فعلا
كانت ناس كتيييييييير ارتاحت