2009/09/06

عيد ميلادى



احب اقولكم ياجماعه ان النهارده عيد ميلادى ال 23
ومع ان الناس كلها بتحتفل بعيد ميلادها وبتبقى فرحانه
انا بقى زهقانه وقرفانه و حاسه انى عندى اكتاب
ليه بقى اقولكم
لانى بلا فخر حاسه انى مليش اى لزمه فى الدنيا
حاسه ان عمرى وقف عند ال 20سنه
وال 3 سنين الاخرنين دول كأن شىء لم يكن
مستفدتش منهم بأى حاجه ولا حصل اى تغير ايجابى فى حياتى غير انى بقيت أم
وكون انى بقيت ام ده شىء كويس اوى وعوضنى وصبرنى على حاجات كتير
بس ده مش كافى
مش راضيه ولا مرتاحه على اسلوب الحياه اللى انا عيشاها
ولا حتى عارفه أربى بنتى التربيه اللى بتمناها
لان فى ناس كتير بتدخل فى حياتى وكأنها حياتهم هما
وكان انى لزمتى بس اخلف وءأكل وألبس بامبرز
كان عندى احلام كتيييييييييييييييييييييييير
اعتقد لحد دلوقتى محققتش اى حاجه منها
وكمان كنت قريبه من ربنا جدا
وكنت مشتركه فى جمعيه خيريه
وكنت بروح المسجد احفظ قرأن واتعلم تجويد
وكان لازم انى اصلى قيام الليل وكمان الفجر
دلوقتى بقى فين وفين على ما بفتح المصحف
وعلى ما افتكر اقول اذكار
ويدوبك بصلى الفرض وساعات بكاسل اصلى السنه
وكمان ممكن اسمع الفجر بياذن اعمل نفسى نايمه
واكسل اقوم اصلى
هيا الناس المفروض لما بتكبر بتعقل
وانا بتهبل ليه
ولا نفسى هيا اللى اماره بالسوء
ولا الصحبه الصالحه اللى كانت حوليا
واختفت دلوقتى بسبب
بسبب ظروف خارجه عن ارادتى هما اللى
كانوا بيسعدونى انى اعمل حاجات كويسه
وكنا بنشجع بعض ونتسابق فى عمل الخير
ياريت يازمن تقف شويه لحد ما اراجع حسباتى من اول وجديد
متمريش يأيام استنى اقفى شويه كفايه اللى راح
ياترى ياايام يالى جايه هتكونى زى اللى فاتت ولا هتجيبى معاكى كل اللى بتمناه
وفيكى هتتحققك ولو بعض احلامى
اتمنى السنه الجايه معملش كوبى لنفس البوست
واعمل موضوع جديد كله تفائل وفرحه وامل

هناك 17 تعليقًا:

3mr wa2el يقول...

كل سنة و انتى طيبة اول تعليق

يارب كل الايام الى جاية تكون ابتسامة فرح مش ابتسامة حزن

و من قلبي و قلب حبيبتي بنقوللك كل سنة و انتى طيبة

شبه إنسانه .....( سهوره ) يقول...

كل سنة وانتى طيبه ياقمرايه

وان شاء الله كل الايام اللى جايةهتبقى احسن من اللى فاتت

تعرفى انا والله اول ماجت السنة دى حسيت انى كنت شايله حمل تقيل ورميته
ونفسى أبدأ حياة جديدة

وبعدين انتى بسم الله ماشاء الله عندك بنوتة

هى كل المستقبل
ربنا يبارك لك فيها وققوللها خالتو بتسلم عليكى وبوسيها لى
اكيد أموره زى مامتها وياريت تورينا صورة لها

وان شاء أحجزها عروسة لابنى بس لما اتجوز ان شاء الله

كلسنة وانتى طيبة
كل سنة وانت الى الله أقرب
وفى طاعة أدوم

ابتسامة حزن يقول...

ميرسى ياعمرو
ويارب ايامك تكون كلها فرح انت وحبيبتك

سهوره
وانتى طيبه ياجميله
سلامك والبوسه بتاعتك وصلت
وبعدين يلا اتجوزى بسرعه بقى عشان توفى بوعدك عشان تجيبى الكتكوت اللى هيخطب البنت
ولو ان العروسه هتكون اكبر من العريس
بس ملناش دعوه
انتو اللى اختارتوا

حـــلـــم كــــان يقول...

يخرب عقلك

بقا انا عامله احضر لعيد ميلادك

وفاكره من اول الشهر واجى انسا

انا مليش دعوهانت لازام تصلحنى

الوقتى اهو حق مانسيت مليش دعوه

واكيد اللى حصلك ده بسببى مانتى لو

كنتى لسه معايا كان ذمانك شغاله يونى فرسال

بس اللى عنده بنت ذى بنتك المفروض ميعملش اى حاجه ف حياته اصلا

كل سنه وانتى طيبه ويارب يارب يارب

يتحقق كل اللى انتى عايزه ويخليك ليكى سلمى ويخلكى ليا انتى وسلمى

كنت ناويه اعملك فجاه بس يلا عيد ميلادك الجاى بقا

3mr wa2el يقول...

من قلبي برضة و قلب حبيبتي و مرسي على الدعوة بقوللك قولي يارب و ان شاء الله هتتغير اكيد جوزك و بنتك هيحسوسكي انك طايرة و مش كئيبة

كفاية انك تلاقي حتة منك بتضحك ف وشك و تقولي يا ماما و تلاقيها جمبك

كفاية ان جوزك جمبك و قريبك حمبك و اخواتك

قولي الحمد لله فية ناس كتير بتتمنى تعيش يوم من دة

سبيها للى خلقنا و قولي يارب و ان شاء الله هتتعدل

انا بقى هحجز بنتك لابني لما اخلفة ان شاء الله بس قولي يارب بس ههههههههههه

ابتسامة حزن يقول...

مى
لازم تنسى عيد ميلادى طبعا
هوا انتى عايشه معانا فى الدنيا
دا انتى دايما نايمه ليل نهار
دايما خارج نطاق الخدمه

ابتسامة حزن يقول...

عمرو
اكيد اللى هيقول يارب عمره ما هيخسرولا يندم

وبعدين مالكوا كده

انتوا عايزين تخلوا البت عانز
الكل لسه عايز يخلفلها العريس
ايه عرسان اخر زمن اللى اصغر من العروسه

يلا اتجدعن انت بس وجيب عريس
وانا اخلفله عروسه تانيه
ولا يهمكوا
اى خدمه

شوشو يقول...

كل سنه وانتى طيبه يا قمر


وعقبال 100 سنه

3mr wa2el يقول...

يا برنسس انا هخلف توام و تشوفي بقى العرايس من عندك بس قولي امهم بس ربنا يهديها شوية و تعقل ياااااااااااااااااارب

almasry يقول...

اولا كل سنه اونتى أجمل واجمل



ثانيا


ايه بقى مش ليكى لازمه دى



كده زعلتينى قوى


ياخراشى



يانهارى



ياجماعه الحقواااااااااااااااا



بتقول مش ليها لازمه


طيب قوليلى مين اللى كنا هنقوله كل سنه وانت طيب لو مش ليكى لازمه



ومين كان هيعمل مدونة ابتسامة حزن ؟؟؟؟؟



سؤال بيفرض نفسه



كل سنه وانتى طيبه




المصرى

ابتسامة حزن يقول...

ميرسى ياشوشو
وكل سنه وانتى جميله

ابتسامة حزن يقول...

عمرو
ياعنى الست حرمكم مستقبليناهتجبلك توئم وبتدعلها
بالهدايه والعقل
اومال لما ربنا يهديها وتعقل
هتجيبلك اربعه مره واحده
يلا
اهوا توفرلك اجرة الدكتور

ابتسامة حزن يقول...

المصرى
ميرسى جدا على زيارتك لمدونتى
وكمان ميرسى اوى على خفة دمك
ضحكتنى والله

Pink Dreams يقول...

كل سنه وحضرتك طيبه


ويا رب تكون السنه دى سنه سعيده عليكى

وتكون احلى واحلى

تحياتى

ابتسامة حزن يقول...

Pink Dreams
ميرسى اوى وانتى طيبه ياقمر
وان شاء الله تكون ايامك انتى كمان سعيده دايما

جــــ القمر ــــارة يقول...

امممممممممم نفسي افتكر مرة بس انت عارف اختك بتنسا تاكل اصلا اسفه بجد والله راح عن بالي

كل سنه وانتي طيبه وبالصحه والسلامه ويارب كل احلامك تتحقق عارفه انها متاخرة معلش بقي سامحيني

بجد انتي حد جميل جداا ومن اكتر الناس اللي قبلتها وحبيتها ويااااااارب نفضل طول العمر اصحاب واقرب الناس لبعض

وبجد كالعاده مدونتك جامده وموضيعك تحفه ويالي بقي عايزين نشوف الشغل بتاع زمان

ابتسامة حزن يقول...

ايه ده
مين ددددى
جاره القمر بجلاله قدرها
وانا اقول المدونه نورة مره واحده كده ليه
ايون كده
عودى ياروايح زمان
كل سنه وانتى طيبه ياهلووو
وبعدين ياستى بتنسى عيد ميلادى وبنسى
عيد ميلادك واحده قصد واحده
نبقى خلصين

ويارب نفضل مع بعض دايما ومنفترقش خالص