2009/08/20

نور عنيه


بنوتى يانور عنيه

يأغلى وكل ما ليا
نفسى اهديكى هديه
لأنك غاليه عليه

ولو انك قويه

وسعات مفتريه

بس انتى يامتوكيه

حلوه دايما فى عنيه

تعرفى ايه الهديه

هفصلك جلبيه

ومعاها كمان طقيه

واطبخلك فرخه مشويه

معاها رز بشعريه

وكمان طبق ملوخيه

واعملك بطاطا مشويه

معاها طبق مهلبيه

اومال
مش لازم تحلى بعد الاكله ديه

عرفاكى مفجوعه شويه

وبجى أأكلك بتعضى اديه

بس انا عارفه اد ايه حبك ليه

دا كفايه
محسسنى انى مالكه الدنيا ديه

وانتى عارفه ان روحى وعمرى ليكى وشويه

بس اوعى تشوفى نفسك عليه

وتبيعى وتشترى فيا

دا انتى منى وليا

مش بقولك نور عنيا

هناك 6 تعليقات:

شبه إنسانه .....( سهوره ) يقول...

رائعه كلماتك

دام قلمك مبدعا

تحياتى لك

سهوره

ابتسامة حزن يقول...

شكرا على مرورك ياسهوره

3mr wa2el يقول...

و الى يقول ان كلامك دة حل بس يبقى يستاهل ضربة قوية على دماغة الحديدية

انتى حلمتشينية زى ابو صلاح الى بحبة هو

dandana يقول...

انا جيت هنا والله وسيبت تعليق

حتى كنت بقول فيه

موكية
مفجوعة شوية
تعضى ايديا

دى بت دى ولا جر شكل
:))

ربنا يخليهالك

حـــلـــم كــــان يقول...

ولو انك قويه

وسعات مفتريه

بس انتى يامتوكيه

حلوه دايما فى عنيه


المشكله بقا انها بنتك ام اربعه واربعين لسان دى

شايفه كل الناس قويه وهى اقوى واحده فى الدنيا دى

وبعدين اللى انت كاتبه دى اقل حاجه عندها

لازام تكتبى عن نص جنيه بتاع الشعريه

ابتسامة حزن يقول...

عمرو
ميرسى جدا على مرورك


دندنه
اه دى جر شكل وبميت لسان بس اعمل ايه حلو على قلبى

حلم كان

شعريه ايه وفضايح ايه اعدى سكته