اعطنى حريتى اطلق يديا

اعطنى حريتى اطلق يديا

هتفضل كده كتير تجرح فيا

خنقه وتحكمات وتبيع وتشترى فيا

واللى محلله لنفسك دايما محرمة عليا

وانا استحملك واصبر على مرمطك ليا

وجى تقولى مش عجباك العيشه ديا

ما تخلص ياسيدى وبلاها العيشه ديا

واعطنى حريتى واطلق يديا

ازاى اطلعك من قلبى

الناس دايما تقول

الحياه مبتقفش بنهاية قصة حب

بس مقلوش لينا

ازاى نقدر نطلع الحبيب من القلب

عيد سعيد عليكوا

بعد الزحمه واكل اللحمه

حبيت اقولكم كل سنه والدنيا بين ايديكوا

والضحكه ما تفارق عنيكوا

وعيد سعيد عليا وعليكوا

الفراق جرح لحظه والخيانه جرح عمر

اناجايه اقولكم قصه حصلت لواحده صحبتى
بعد 7 سنين حب
لقته بيقولها
انا مش عايز اظلمك معايا
ومش عايزك تستنينى كتير وشوفى انتى حياتك مع حد يسعدك اكتر منى
انا مسافر
و مش عايزك تستنينى كتير
بس قالت ازاى اتخلى عن حبى وعن كل السنين اللى فاتت دى
وعملت نفسها البت المخلصه اللى هتفضل محافظه على العهد القديم
ولا يمكن تقدر تتخلى عنه عشان ظروفه مش كويسه وانه مش قادر يجى يخطبها
والاخ سافر عشان يصلح مستواه والغلبانه مستنيه البيه وقاعده تطفش فى العرسان
على ما البيه يرجعلها بالدبل
وبعد فتره عن طريق الصدفه اكتشفت انه قالها الكلمتين دول عشان يخلع منها
وانه مأنتخ مع واحده تانيه
ومكلم باباها ومتفقين على الخطوبه
يعنى لا كان فى ظروف ولا جوبات
وكل الكلام والاحلام والوعود اللى كان قايلهالها ومتفقين عليها مع بعض
لقيتهم بيتقالوا على لسان حبيبته
كان عايز يطلع نفسه الملاك البرىء اللى
خايف انه يظلمها معاه مش كان يبقى احسن لو صارحها وقالها ان مفيش توافق
او مش هيقدر يكمل معاها
اهوا كان ممكن تفتكرله فى يوم من الايام اى شىء كويس
بدل ما يسيب مكانه جرج
مكنش بايدى غير انى اقولها اعتبريه كلب ومات
دموعك اللى نازله دى خساره فيه
مع انى عارفه صعوبه اللى هيا فيه
وعارفه كمان ان اكيد الدموع دى مش عليه دى على سنينها
اللى ضاعت على الفاضى
على اخلصها وهبلها
وافتكرت اغنيه
جميله لاانغام بتتقول
لو نصارح بعض فى بداية لؤانا
لو فى يوم ملينا او ضعنا فى هوانا
نبتسم نبعد وننسى كل شىء
دا الفراق اهون كتير اوى من الخيانه
كل واحد يمشى حر ليه نعيش فى عذاب ومر
دا الفراق جرح لحظه والخيانه جرح عمر

مكنتش حبيبى

لان اللى يحب عمره ما يكره

واللى يدخل القلب عمره ما يطلع منه

لما اقولك انك بكرهك وانك مش حبييبى

اعرف انك عمرك مكنت فى يوم حبيبى

ولا عمرك كنت فى يوم ساكن جوه قلبى

نصيحه حريمى

نصـيــحــه حريــــمــــى
ادحبيله القطه من اول ليله وخوفيه
واوعاكى فى يوم من الايام تدلعيه
ان اخدتيه على الدلع مش هتعرفى تشكميه
ان فى يوم علا صوته عليكى طلعى لسانه واقطعيه
وان عنيه زاغت كده ولا كده حطى صوابعك فيهم واعوريه
خليه دايما يحس انه غلطان وبكلامك ثبتيه
وخليه يحافظ على فلوسه واول بأول تقلبيه
وان قعدلك يوم فى البيت طفيشيه
أطلبى منه ميت طلب عشان يطحن نفسه فى شغله وتلبخيه
وعيزاكى تصحصحى ياختى وبكتر العيال تغلبيه
وان فى يوم قالك اسهر مع اصحابى اوعى توافقى وم الموضوع ده توبيه
وان اعترض على اى حاجه م اللى قلتهالك دى اديله بالسنجه فى وشه وعوريه
واوعى تتخضى من منظر الدم خلى قلبك جامد وخديه على اقرب مستشفى وخيطيه
وان طلعتى بقى بت رقيقه ومعرفتيش تطبقى الحاجات دى عليه كبرى دماغك واخلعيه
خديها منى نصيحه دول قالوا فى الامثال ابنك على ما تربيه وجوزك على ما تعوديه
&
&
&
&
&
&
&
&
طبعا كل اللى كتبته ده اتكتب فى حالة تهيس
المفروض الحياه الزوجيه بتكون مبنيه على الموده والرحمه
والتسامح بين الطرفين
بس قليل جدا اللى بيطبق المفروض ده
ربنا يسعد كل زوجين يارب ويحببهم فى بعض
ويألف بين قلوبهم

جمله عجبتى اوى

كل يوم جمعه الساعه 3بيجى برنامج جميل اوى بحب اسمعه
على قنات دريم 2 اسمه الموعظه الحسنه
هوا برنامج فتاوى للشيخ مبروك عطيه
المهم كان فى سؤال على الوقفات والاحتجاجات لنصرة المسجد الاقصى
فقال جمله جميله اوى عجبتنى
قال
بدل مل تجيبوا قماش تعملوا بيه علم وتحرقوه دوروا على فقير عريان واكسوه
وكان رأيه كمان بدل ما نعمل مظاهرات واحتجاجات كفايه ان كل مسلم يطلع من جيبه حنيه
كا اسبوع ويتبرع بيه لنصرة القدس والعراق ودارفور وكل الدول المسلمه المحتله
شوفوا بقى احنا كام مليار مسلم وهنلم كام مليار جنيه
وهنقدر بالفلوس دى نحرر ارضينا ولا لاء
والله صدقت يادكتور مبروك
دا احنا مفيش ورانا غير الهتافات والشعارات

حوش اللى هيقع منك

كل سنه وانتو طيبين

فات شهر رمضان وخلص بسرعه اوى ولسه سنه كامله على ما يجى تانى

ياترى هيحصلنا ايه فى السنه دى

ومبن هيكون عايش ومين هيكون ميت

كنت شايله هم الصيام فى الصيف والحر ده بس سبحان الله بيقدرنا ويثبتنا ويقوينا

المهم انا جتلكم النهارده عشان افكركوا وافكر نفسى معاكوا بشويه

حاجات ممكن تقع مننا بعد رمضان

بقولكم من دلوقتى كل واحد يحوش الللى هيقع منه

بفكركوا ان الشياطين مستعده دلوقتى انها تتفك وتخلص مننا كل الحسنات

والحاجات الحلوه اللى عملناها فى رمضان

عايزه توقعلنا الصلاه اللى كنا محافظين عليها فى اوقتها

ويضحكوا علينا ونخلينا نطنش ونكسل او حتى نأخرها عن معادها

عايز توقعنا فى الكلام والالفاظ الوحشه بعد ما كان اللسان مبيطلعش العيبه

عشان منضيعش صيامنا

لما كان حد بيضايقنا كنا بنقول اللهم انى صايم

طيب بعد رمضان بقى

هنعطى للشياطين فرصه يجرجرونا من لسانا

التراويح اللى كانت 11 ركعه وكانت بتكون سهله وخفيفه على قلوبنا وبنجرى نصليها فى المسجد

بعد رمضان لازم يوسوسولنا عشان نكسل نصلى ولو ركعتين قيام ليل

والمصحك اللى بنكله اكل ولازم نختمه فى رمضان

مش لازم يتركن لرمضان الجاى

والوقت اللى كنا بنستخسره فى الفرجه على المسلسلات والبرامج الهايفه

وكنا بنحول على البرامح الدينيه ونتعها

مش لازم نرجع نتابع مليون مسلسل فى اليوم ونفتحها على البحرى

وخاصتا المسلسلات التركى اه واه منها

اللى يسمع حلقه منها لازم هيشوف ال150 حلقه

اسمعوا كلام واحده خبيره

وطبعا بقى الصدقه وصله الرحم والمعامله الكويسه مع الناس

وزيارة دور الايتام وكل الحاجات الخير اللى بنعملها فى رمضان

مش عايزنها تقع مننا عشان رب رمضان هوا رب كل ايام السنه

مش عايزين نعطى للشيطان فرصه انه يضحك علينا

وعايزين نسيب قلوبنا نضيفه ونحافط عليها

والسلام ختام

وعيد سعيد عليكوا جميعا

عيد ميلادى

احب اقولكم ياجماعه ان النهارده عيد ميلادى ال 23
ومع ان الناس كلها بتحتفل بعيد ميلادها وبتبقى فرحانه
انا بقى زهقانه وقرفانه و حاسه انى عندى اكتاب
ليه بقى اقولكم
لانى بلا فخر حاسه انى مليش اى لزمه فى الدنيا
حاسه ان عمرى وقف عند ال 20سنه
وال 3 سنين الاخرنين دول كأن شىء لم يكن
مستفدتش منهم بأى حاجه ولا حصل اى تغير ايجابى فى حياتى غير انى بقيت أم
وكون انى بقيت ام ده شىء كويس اوى وعوضنى وصبرنى على حاجات كتير
بس ده مش كافى
مش راضيه ولا مرتاحه على اسلوب الحياه اللى انا عيشاها
ولا حتى عارفه أربى بنتى التربيه اللى بتمناها
لان فى ناس كتير بتدخل فى حياتى وكأنها حياتهم هما
وكان انى لزمتى بس اخلف وءأكل وألبس بامبرز
كان عندى احلام كتيييييييييييييييييييييييير
اعتقد لحد دلوقتى محققتش اى حاجه منها
وكمان كنت قريبه من ربنا جدا
وكنت مشتركه فى جمعيه خيريه
وكنت بروح المسجد احفظ قرأن واتعلم تجويد
وكان لازم انى اصلى قيام الليل وكمان الفجر
دلوقتى بقى فين وفين على ما بفتح المصحف
وعلى ما افتكر اقول اذكار
ويدوبك بصلى الفرض وساعات بكاسل اصلى السنه
وكمان ممكن اسمع الفجر بياذن اعمل نفسى نايمه
واكسل اقوم اصلى
هيا الناس المفروض لما بتكبر بتعقل
وانا بتهبل ليه
ولا نفسى هيا اللى اماره بالسوء
ولا الصحبه الصالحه اللى كانت حوليا
واختفت دلوقتى بسبب
بسبب ظروف خارجه عن ارادتى هما اللى
كانوا بيسعدونى انى اعمل حاجات كويسه
وكنا بنشجع بعض ونتسابق فى عمل الخير
ياريت يازمن تقف شويه لحد ما اراجع حسباتى من اول وجديد
متمريش يأيام استنى اقفى شويه كفايه اللى راح
ياترى ياايام يالى جايه هتكونى زى اللى فاتت ولا هتجيبى معاكى كل اللى بتمناه
وفيكى هتتحققك ولو بعض احلامى
اتمنى السنه الجايه معملش كوبى لنفس البوست

واعمل موضوع جديد كله تفائل وفرحه وامل

قال صعبان عليه

قال صعبان عليه

بعد ما طعن قلبى بأديه

وشاف دمى فى كل مكان حوليه

وشفت انا نظرت الغدر فى عنيه

وياريته شال الخنجر لأ سابه اتألم بيه

وأل ايه
راجع فى الاخر يقولى صعبان عليه

نور عنيه

بنوتى يانور عنيه

يأغلى وكل ما ليا

نفسى اهديكى هديه

لأنك غاليه عليه

ولو انك قويه

وسعات مفتريه

بس انتى يامتوكيه

حلوه دايما فى عنيه

تعرفى ايه الهديه

هفصلك جلبيه

ومعاها كمان طقيه

واطبخلك فرخه مشويه

معاها رز بشعريه

وكمان طبق ملوخيه

واعملك بطاطا مشويه

معاها طبق مهلبيه

اومال
مش لازم تحلى بعد الاكله ديه

عرفاكى مفجوعه شويه

وبجى أأكلك بتعضى اديه

بس انا عارفه اد ايه حبك ليه

دا كفايه
محسسنى انى مالكه الدنيا ديه

وانتى عارفه ان روحى وعمرى ليكى وشويه

بس اوعى تشوفى نفسك عليه

وتبيعى وتشترى فيا

دا انتى منى وليا

مش بقولك نور عنيا

بلاش تخنقنى بيه

لو معاك حبل اعمله على شكل قلب

وحطنى فيه

وحافظ عليه

احسن بكتير من أنك تلفه حولين رقبتى

وتخنقنى بيه

ازاى من غيرى هتقدر تعيش

فسح وخروجات وعايش حياتك فى متاهات

والمفروض انى أسهر أستناك ترجع من

سهرات اصحابك البهوات

واخرتها تقولى هعيش حياتى بالطول

قبلتى او مقبلتيش

طب مش هقبل وأبقى ورينى من غيرى

أزاى هتقدر تعيش