2009/09/17

حوش اللى هيقع منك



كل سنه وانتو طيبين

فات شهر رمضان وخلص بسرعه اوى ولسه سنه كامله على ما يجى تانى

ياترى هيحصلنا ايه فى السنه دى

ومبن هيكون عايش ومين هيكون ميت

كنت شايله هم الصيام فى الصيف والحر ده بس سبحان الله بيقدرنا ويثبتنا ويقوينا

المهم انا جتلكم النهارده عشان افكركوا وافكر نفسى معاكوا بشويه

حاجات ممكن تقع مننا بعد رمضان

بقولكم من دلوقتى كل واحد يحوش الللى هيقع منه

بفكركوا ان الشياطين مستعده دلوقتى انها تتفك وتخلص مننا كل الحسنات

والحاجات الحلوه اللى عملناها فى رمضان

عايزه توقعلنا الصلاه اللى كنا محافظين عليها فى اوقتها

ويضحكوا علينا ونخلينا نطنش ونكسل او حتى نأخرها عن معادها

عايز توقعنا فى الكلام والالفاظ الوحشه بعد ما كان اللسان مبيطلعش العيبه

عشان منضيعش صيامنا

لما كان حد بيضايقنا كنا بنقول اللهم انى صايم

طيب بعد رمضان بقى

هنعطى للشياطين فرصه يجرجرونا من لسانا

التراويح اللى كانت 11 ركعه وكانت بتكون سهله وخفيفه على قلوبنا وبنجرى نصليها فى المسجد

بعد رمضان لازم يوسوسولنا عشان نكسل نصلى ولو ركعتين قيام ليل

والمصحك اللى بنكله اكل ولازم نختمه فى رمضان

مش لازم يتركن لرمضان الجاى

والوقت اللى كنا بنستخسره فى الفرجه على المسلسلات والبرامج الهايفه

وكنا بنحول على البرامح الدينيه ونتعها

مش لازم نرجع نتابع مليون مسلسل فى اليوم ونفتحها على البحرى

وخاصتا المسلسلات التركى اه واه منها

اللى يسمع حلقه منها لازم هيشوف ال150 حلقه

اسمعوا كلام واحده خبيره

وطبعا بقى الصدقه وصله الرحم والمعامله الكويسه مع الناس

وزيارة دور الايتام وكل الحاجات الخير اللى بنعملها فى رمضان

مش عايزنها تقع مننا عشان رب رمضان هوا رب كل ايام السنه

مش عايزين نعطى للشيطان فرصه انه يضحك علينا

وعايزين نسيب قلوبنا نضيفه ونحافط عليها

والسلام ختام

وعيد سعيد عليكوا جميعا

هناك 5 تعليقات:

حـــلـــم كـــان يقول...

اول تعليق
هييييييييييييه

كل سنه وانتى طيبه

وان شاء الله محدش هيقع منه حاجه

بس ابقا كدابه لو قولت مش هتفرج ع مسلسلات تركى
هههههههههههههههه

انتى عرفه ده داء

حـــــروف متــبعترة " عــمرو الشــايب يقول...

ثاني تعليق انا

ههههههههههههههههههههههههههه

حـــــروف متــبعترة " عــمرو الشــايب يقول...

اقوللك انا بقى

رمضان كان احلى حاجة فية بيجمعنا ف عزومات صحابي عزمات شغل
عزومات ف نقابة المهنةة حقي

اللمة بتاعت اهلي على السفرة اكل امي الى زى العسل اللاكل طعنمة حلو

القعدة مع صحابي قبل الفطار

م بنقول اضرب و نضرب سجاير على الريء

التجمع على الفطار و نقول يالا نفطر سوا

و العزومات و الاكل و الروحنيات و الشكل على السحب الجديدة و الى معاه سحة اكبر يسبح بيها

بس انا مش صليت التراويح بقالي سنتين لظروف خارجة

يارب يجمعنا زى ما بنتجمع ف رمضان

جــــ القمر ــــارة يقول...

هحاول احوش اللي هيقع مني

ابتسامة حزن يقول...

ايون كده امسكوا وتبتوا كويس
دا انا شكلى اول واحده وقعت